comments 5

dollar bills…

>ek din cricket khelte hue mera haath gaya tut,
ab ball aur bat bhee gaye mujhse chut,
dard se pareshaan me wapas gaya class me,
dekha to rakshas(teacher) khada tha rah me,
school me khelne ka mila punishment,
grade ho gayi good from excellent,
last bench par baith sun raha tha main lecture,
teacher keh raha tha beta don’t worry about fracture,
aaj se banao apna ek lakshya, ek rasta,
chalte raho us par na rakho kisi se vasta,
yaad rahe tumhe kamane hai euro,pounds and dollar bills,
aur ek ghar banana hai on Malabar hills…

khatam hua school aur shuru hua college,
laga masti karte hai abhee to ayi hai perfect age,
khub kiya ho halla, khoob machai dhoom,
ek din picture bhee dekh lee boom,
fisrt time hua katrina ka deedar,
sochne lage cholo dhunge apne liye bhee ek aisa hee yaar,
katrina ke alawa ek aur pehlu ne dyan kheecha,
lagaya main ganja aur apni aankein meecha,
kya khub thee wo duniya, kya khub the wo nazare,
sochte the duniya jeet sakte hai bina kisi sahare,
ab tak bahut achi chali hamari picture comedy,
ek din life me ho gayi tragedy,
ho gaye 5 semester me fail,
pitaji bole go to hell,
masti karne ka diya dand,
kardee pocket money band,
diyala mujhe phir yaad mera goal,
kaha laga 100 situps aur bol,
kamane hai mujhe euro,pounds and dollar bills,
aur banana hai ek ghar on Malabar hills…

college se bhee hue pass,
ab lagai naukri kee aas,
kee humne bhee bahut strugle,
sochte the hum bhee bana sakte hai google,
kahan kahan na thokar khayi,
bhukh lagne par bina sambar bhee idli khayi,
roz sajaye na jaane kitne naye khawaab,
agale din ankoon se beh jaate the ban ke sailaab,
bahut bane ek dusre ka sahara,
laga khub chalega hamara bhaichara,
ek din mach gaya bhaukaal,
jab mil gayi dost koi naukri kee confirmation call,
phir to jaise aa gaya job ka season,
aur mil gaya party karne ka reason,
us din life lagi better,
jab haath me dekha offer letter,
soch soch ke pagla rahe the,
baar yahi keh rahe the,
ab hum khoob kamayenge euro,pounds and dollar bills,
aur banayenge ek sunder ghar on Malabar hills…

ek aisa din bhee aya,
jab company ne posting ka scene samjhaya,
kisi ne join kee badi MNC,
aur koyi onsite jaa kar ban gaya OSC,
apas me milaap hua rare,
kyonki office chodne bhee tha ek dare,
kaam me ho gaye sab itna be chuke,
bhool gaye dosti ho rahi hai dilute,
ek dusre se milna ka time ho gaya kam,
upar se boss ne kar rakha the naak me dam,
kaam ke peeche ho gaye hai crazy,
na milne ke bahane batate the I m very lazy,
ata hai jab bhee doston ka scrap, sms ya call,
dhukta hai dil aur ho jate hai behaal,
phir bhee kush hai ye soch kar, chahe abhee hai adhura,
akeer kar rahe hai ek sapna pura,
abhee aur kamane hai mujhe euro, pound and dollar bills,
aur banana hai ek ghar on Malabar hills…

Share it onShare on FacebookTweet about this on TwitterShare on LinkedInShare on Google+Digg thisShare on RedditShare on TumblrEmail this to someone

5 Comments

Leave a Reply

Your email address will not be published. Required fields are marked *